Sipas Agjencisë së Lajmeve Hsinhua, më 22 maj, Ministria e Financave e Kinës dha një njoftim emergjent, duke u kërkuar organeve financiare të niveleve të ndryshme të forcojnë mbikëqyrjen mbi fondet dhe materialet për zhdukjen e pasojave të fatkeqësisë, për të garantuar zhvillimin normal dhe efikas të punëve kundër fatkeqësisë.

Ministria e Financave e Kinës u kërkoi këtyre organeve të shtojnë investimet financiare, të mbledhin aktivisht fonde ndihmëse për garantimin e jetesës bazë të banorëve të prekur, për të filluar sa më parë punën normale dhe rindërtimin e shtëpive. Kjo ministri u kërkoi gjithashtu që të shpërndajnë dhe të përdorin në mënyrë të arsyeshme fondet e mbledhura dhe të vënë si prioritet shpëtimin emergjent, transferimin dhe sistemimin e banorëve të prekur dhe të bëjnë mirë punën e mjekimit, atë kundër epidemisë dhe trajtimin e problemeve të shkaktuara nga fatkeqësia.

Sipas raportit të Ministrisë së Çështjeve Civile, deri në orën 12 të 22 majit, ajo ka marrë nga brenda e jashtë Kinës dhurime prej 21 miliardë e 416 milionë juanësh. (Jiang Lei)