Sipas njoftimeve të Radios së Jashtme të Kinës, Ministria e Tregtisë e Kinës u shpreh se, deri në orën 10 paradite të 23 majit, sasia e përgjithshme e ndihmës urgjente të dhënë nga organizatat ndërkombëtare dhe vendet përkatëse arriti në 20 milionë e 550 mijë dollarë.

Ditët e fundit, Australia, Italia, Kuba, SHBA-ja etj. u dhanë para dhe materiale zonave të prekura nga tërmeti në Wenchuan të provincës Sichuan.

Mësohet se më 23 maj, qeveria e Australisë u dhuroi edhe një herë zonave të prekura nga tërmeti i Wenchuanit të provincës Sichuan të Kinës materiale me një vlerë prej afro 950 mijë dollarësh.

Më 23 maj, materialet dhe paratë me një vlerë të përgjithshme prej mbi 33 milionë eurosh të dhëna nga qeveria e Italisë arritën në zonat e prekura nga tërmeti në provincën Sichuan.

Më 22 maj paradite, materialet e ndihmës prej 815 mijë dollarësh nga Drejtoria Ndërkombëtare e Zhvillimit e SHBA-së arritën në zonat e prekura nga tërmeti të provincës Sichuan të Kinës.

Më 22 maj, materialet e dhëna nga Turkmenistani arritën në aeroportin Zhuanchuan të qytetit Lanzhou. Këto materiale janë rroba, jorganë, jastëkë, ilaçe etj. (Du) (Artan)