Sipas Agjencisë së Lajmeve Hsinhua, ditët e fundit, Jordania, Italia, Ukraina, Japonia dhe Gjermania ofruan përkatësisht ndihmë materiale dhe mjekësore për zonat e prekura nga tërmeti në Wenchuan të provincës Sichuan.

Herët në mëngjesin e 21 majit, materialet e dhuruara nga mbreti jordanez Abdullah II Bin Al-Hussein arritën në aeroportin Shuangliu të qytetit Chengdu.

Më 21 maj, gazetari mësoi nga Ministria e Punëve të Jashtme e Kinës se Italia i ka ofruar palës kineze 1 milionë euro dhe materiale ndihme prej 1.5 milionë eurosh dhe brenda disa ditësh, do t'i japë Kinës një spital të lëvizshëm me pajisje të plota dhe 16 veta personel mjekësor.

Rreth orës 13:10 të 21 majit, kontingjenti i parë i materialeve i dhuruar nga Ukraina arriti në Chengdu. Pesha e këtij kontigjenti materialesh është 40 ton, ndër të cilat ka thasë gjumi, çadra dhe sende mjekësore. (Jiang Lei)