Sipas Radios së Jashtme të Kinës, kohët e fundit, komuniteti ndërkombëtar vazhdon t'i shprehë palës kineze ngushëllime dhe t'i ofrojë ndihmë në mënyra të ndryshme.

Krahas liderëve të disa vendeve, kryetari i Konferencës Botërore të Shëndetit Ramsammy, drejtoresha e Programit të Banimit të Njeriut të OKB-së Tibaijuka, kryetari i palës ruse të Komisionit të Miqësisë, Paqes e të Zhvillimit Kinë-Rusi Drachevsky i shprehën ngushëllime palës kineze.

Vendet dhe organizatat ndërkombëtare që kanë ofruar ndihmë për palën kineze përfshijnë: qeveria gjermane mori vendim që të përdorë 2 milionë e 500 mijë euro të projekteve ndihmëse të zhvillimit midis Kinës dhe Gjermanisë në punët e palës kineze për zhdukjen e fatkeqësisë. Më parë, qeveria gjermane i ka ofruar palës kineze një ndihmë prej 1 milion e 500 mijë eurosh.

Qeveria angleze mori vendim që të ofrojë materiale të tjera ndihmëse me një vlerë prej 1 milion paundësh. Kështu, vëllimi i përgjithshëm i ndihmës financiare dhe materiale nga ajo arriti në 2 milionë paund.

Qeveria italiane mori vendim që t'i japë palës kineze një ndihmë shtesë prej 500 mijë eurosh dhe vëllimi i përgjithshëm i fondeve dhe materialeve ndihmëse për Kinën arriti në 2 milionë e 500 mijë euro.

Qeveria e Sllovakisë mori vendim që t'i ofrojë palës kineze materiale ndihme me një vlerë prej rreth 1 milion e 425 mijë dollarësh.

Qeveria ukrainase mori vendim që t'i japë palës kineze 80 tonë materiale ndihmëse. (Jiang Lei)