Ditët e fundit, Ministria e Çështjeve Civile, Ministria e Sigurimit Publik dhe Ministria e Shëndetësisë e Kinës përcaktuan së bashku mënyrat e trajtimit të kufomave të personave të vrarë gjatë tërmetit të 12 majit.

Sipas kërkesave të 3 ministrive, kufomat e identifikuara ose të njohura nga familjarët duhet të kremohen ose të varosen sa më shpejt. Për ato të paindentifikuara, sektorët e sigurimit publik dhe ata të shëndetësisë do t'i vendosin numër, t'i bëjnë shënime dhe fotografi, të marrin kampione për indentifikimin e DNA-s. Këto informacionet do të ruhen dhe kontrollohen nga sektorët e sigurisë publike. Këto kufoma do të kremohen dhe varosen në kohë. Kufomat e indentifikuara të huaja do të ruhen nga Shoqata e Varosjeve të Kinës. (Shy Guan)