Sipas Radios së Jashtme të Kinës, më 19 maj, vendet e ndryshme të komunitetit ndërkombëtar nderuan në mënyrë të ndryshme kujtimin e viktimave të tërmetit që ra në Wenchuan të Sichuanit.

Më 19 maj, sekretari i përgjithshëm i OKB-së Ban Ki-Moon shkoi në rezidencën e delegacionit të përhershëm kinez në OKB dhe bëri homazhe për viktimat e këtij tërmeti të fuqishëm në Wenchuan. Ai shkroi në librin e ngushëllimeve: Para krizës së madhe, komuniteti ndërkombëtar qëndron bashkë me popullin e madh kinez.

Zv/sekretari i përgjithshëm i OKB-së Sergei Ordzhonikidze që është edhe drejtori i Zyrës Përfaqësuese të OKB-së në Gjenevë, shkoi në sallën e përmortshme të vendosur në rezidencën e delegacionit kinez në Gjenevë, duke nderuar kujtimin e viktimave. Ai shprehu shpresën se populli kinez do të dalë nga dhimbja dhe do të mposhtë fatkeqësinë si në të kaluarën.

Sekretari i përgjithshëm i OBT-së Paskal Lami shkoi në rezidencën e delegacionit kinez në Gjenevë dhe bëri homazhe për viktimat e tërmetit të fuqishëm që ra në Wenchuan. (Jiang Lei)