Sipas njoftimeve të Radios së Jashtme të Kinës, qeveria kineze ka marrë masa të ndryshme për të siguruar furnizimin me materiale dhe jetën e banorëve të zonave të prekura nga tërmeti në Wenchuan të provincës Sichuan.

Korrespodenti mësoi se deri në orën 14 të 20 majit, sektorët financiarë të mbarë vendit kanë dhënë fonde për punët shpëtimtare kundër tërmetit me vlerën e përgjithshme prej 11 miliardë e 727 milionë juanësh. Financa qendrore kineze ka dhënë fondet e ndihmës së jetës prej 2 miliardë e 500 milionë juanësh në provincat Sichuan, Gansu, Shansi, Conqin, Yunnan etj.

Deri në orën 13 të 20 majit, qarqet e ndryshme shoqërore të Kinës kanë dhënë para dhe materiale me një vlerë prej mbi 13 miliardë e 900 milionë juanësh.

Deri në orën 18 të 20 majit numri i të vdekurve në tërmetin e madh të Wenchuanit arriti në 40075 dhe mbi 240 mijë të tjera janë plagosur. (Du)