Sipas Radios së Jashtme të Kinës, pas tërmetit të fuqishëm të 12 majit në qytezën Wenchuan të provincës Sichuan, ditët e fundit, komuniteti ndërkombëtar vazhdon t'i shprehë palës kineze ngushëllime dhe t'i ofrojë ndihmë për zhdukjen e fatkeqësisë, ndërkohë, emigrantë kinezë në vende të huaja dhe miq të huaj kanë dhuruar para për zonat e prekura nga tërmeti.

Presidenti i Afrikës së Jugut Mbeki, presidentja argjentinase Kristina, presidenti i Guayanas Jagdeo, presidenti i Zimbabvesë Mugabe, kryeministri kanadez Harper i shprehën ngushëllime kryetarit të Shtetit të Kinës Hu Jintao. Kryeministri i Malajzisë Badawi, kryeministri i Taxhikistanit Oqilov, kryeministri francez Fillon, kryeministri suedez Reinfeldt, kryeministri egjiptian Nazef i shprehën ngushëllime kryeministrit kinez Wen Jiabao. Qeveria malajziane mori vendim që të ofrojë një ndihmë prej 1 milion e 500 mijë dollarësh amerikanë; qeveria australiane ofroi ndihmë prej 1 milion dollarësh australianë nëpërmjet Kryqit të Kuq Ndërkombëtar; qeveria italiane ofroi 500 mijë euro dhe disa materiale ndihmëse; qeveria finlandeze vendosi t'i japë palës kineze 500 mijë euro dhe qeveria holandeze ofroi një ndihmë prej 500 mijë eurosh nëpërmjet Kryqit të Kuq Ndërkombëtar.

Ndërkohë, emigrantë kinezë e studentë kinezë që studiojnë jashtë Kinës vazhdojnë të dhurojnë para për zhdukjen e fatkeqësisë. Emigrantë kinezë në Greqi kanë mbledhur mbi 100 mijë euro, ndërsa Shoqata e Tregtarëve Kinezë në Mianmar dhuroi rreth 18 mijë dollarë amerikanë. Krahas këtyre, emigrantë dhe studentë kinezë në Francë, Indonezi, Gjermani, Islandë dhe në Turqi dhe ekipi mjekësor i Kinës në Kongo (Kinsasha) kanë dhuruar para për zonat e prekura. (Jiang Lei)