Sipas njoftimeve të Radios së Jashtme të Kinës, pasi ra tërmeti 7.8 ballësh në distriktin Wenchuan të provincës Sichuan, komuniteti ndërkombëtar dhe kinezë jashtë Kinës vazhdojnë të japin fonde dhe materiale.

Grupi i tretë materialeve nga Rusia arriti në Kinë më 17 maj. Pala ruse ka planifikuar të transportojë materiale shpëtimi në Kinë. Më 16 maj, materialet ndihmëse të Spanjës dhe të Pakistanit arritën në Chengdu. Tani, personat profesionist të shpëtimit nga Japonia, Rusia, Koreja e Jugut, Sigaporit kanë arritur në zonat e prekura nga fatkeqësia duke filluar punët e shpëtimit. BE-ja dhe Kirkistani u shprehën se do të dërgojnë grupet e shpëtimit në Kinë për të ndihmuar në punët e shpëtimit nga fatkeqësia.

Sekretari i përgjithshëm i OKB-së Ban Ki-moon vlerësoi lartë më 16 maj shpejtësinë dhe efektivitetin e punëve të shpëtimit duke deklaruar se do të ofrojë 7 milionë dollarë amerikanë nga fondi i përgjithshëm urgjent i OKB-së. Komisioni i BE-së shpalli se do t'i ofrojë Kinës materiale prej 2 milionë eurosh.

Përveç këtyre, Çekia, Lituania, Irlanda, Danimarka, Zvicra etj., dhe disa organizata ndërkombëtare shpallën se do të dërgojnë ndihmë për Kinën.

Njëkohësisht, emigrantë kinezë dhe kinezë jashtë Kinës i kushtuan vëmendje zonave të prekura nga fatkeqësia. Shoqatat e emigrantëve, organet e investimeve kineze, studentët kinezë jashtë Kinës dhe punonjësit e ambasadave të Kinës si në Rumani, Ukrainë, Austri etj. dhanë para nëpërmjet mënyrave të ndryshme për zonat e prekura nga fatkeqësia. (Çang Çuo)(Klajd)