Sipas njoftimeve të Agjencisë Kineze të Lajmeve Sinhua, më 17 maj paradite, sekretari i përgjithshëm i KQ të PK të Kinës, kryetari i shtetit i Kinës dhe kryetari i Komitetit Qendror Ushtarak, Hu Jintao, shkoi me makinë në qendrën e tërmetit Wenchuan për të orientuar punën shpëtimtare kundër tërmetit.

Më 12 maj në orën 14 e 28 minuta, ndodhi tërmeti 7.8 ballësh në distriktin Wenchuan të provincës Sichuan të Kinës jug-perëndimore. Pasi ndodhi ky tërmet, Hu Jintao kërkoi menjëherë nga sektorët përkatës të shpëtojnë shpejt të plagosurit dhe të garantojnë sigurinë e jetës së banorëve të zonave të prekura nga tërmeti. Më 12 dhe 14 maj, Hu Jintao drejtoi dy herë mbledhjen e Komitetit të Përhershëm të Byrosë Politike të KQ të PK të Kinës për të rregulluar në mënyrë të gjithanëshme punën shpëtimtare kundër tërmetit. Më 16 maj, Hu Jintao shkoi me aeroplan në provincën Sichuan dhe kur arriti në aeroportin Nanjiao drejtoi menjëherë një mbledhje.

Pas mbledhjes, Hu Jintao shkoi menjëherë në Beichuan që është prekur rëndë nga tërmeti. Ai u tha banorëve të prekur nga tërmeti se partia dhe qeveria do të bëjnë të gjitha përpjekjet për të shpëtuar banorët e rrethuar nga gërmadhat, do të mjekojnë me të gjitha përpjekjet banorët e plagosur, do të rregullojnë mirë jetën e banorëve të zonave të prekura nga tërmeti dhe më tej do t'i ndihmojnë me të gjitha përpjekjet banorët të rifillojnë prodhimin dhe të rindërtojnë vatrat e tyre. (Du)