Në artikull thuhet se viti 2008 është i jashtëzakonshëm për Kinën. Në fillim të vitit, dëbora e madhe ra në Jugun e vendit. Më 14 mars, ndodhi në Lhasë incidenti kriminal me dhunë i rrahjes, i shkatërrimit, i grabitjes dhe i djegies. Mirëpo vendosmëria e fortë e mbarë popullit kinez për mbrojtjen e unitetit të atdheut dhe solidaritetin kombëtar nuk provokohet nga asnjë forcë dhe u qetësuan shpejt Tibeti dhe zonat e tjera tibetiane. Stafeta e pishtarit olimpik u pengua nga një numër i vogël elementësh për "Pavarësinë e Tibetit", kurse në këtë gjë disa media perëndimore gjejnë kënaqësi. Mirëpo drejtësia qëndron në zemrën e popujve dhe kinezët në mbarë botën u bashkuan në mënyrë të paparë.

Në artikull thuhet se tërmeti i Sichuanit ra befasisht më 12 maj. Po këtë ditë, sekretari i përgjithshëm i KQ të PK të Kinës Hu Jintao thirri mbledhjen urgjente të Komitetit të Përhershëm të Byrosë Politike të KQ të PK të Kinës për planifikimin e punëve shpëtuese. Kryeministri Wen Jiabao mbërriti brenda kohës më të shkurtër në zonën e fatkeqësisë. 100 mijë ushtarakë e policë kinezë hynë në zonat e prekura nga fatkeqësia. Ndërkohë, masat popullore të qarqeve të ndryshme, bashkatdhetarët në Tajvan, Hong-Kong dhe Makao si dhe emigrantë kinezë e kinezë që banojnë në vende të ndryshme të botës dhuruan me radhë para dhe materiale për shpëtim.

Në artikull vihet në dukje se kjo është Kina dhe  asnjë vështirësi nuk mund të përkulë popullin kinez, qeverinë kineze dhe ushtrinë kineze!(Wang Lei)