Sipas njoftimeve nga Agjencia kineze e lajmeve Hsinhua, mbi 10 milionë njerëz janë prekur drejtpërdrejt nga fatkeqësia e tërmetit, që ndodhi më 12 maj në distriktin Wenchuan të provincës Sichuan të Kinës jugperëndimore.

Sipas të dhënave statistikore, deri në orën 14 të 14 majit, ky tërmet ka shkaktuar 14 866 të vrarë, ndër të cilët 14 463 nga provinca Sichuan.

Më 14 maj në mbrëmje, në një tren të nisur nga qyteti Chengdu për në rajonin e tërmetit Guang Yuan, kryeministri i Kinës Wen Jiabao drejtoi një mbledhje mbi ndihmën lidhur me tërmetin, ku theksoi se ndihma për jetën e popullit është theksi i punës. Në këtë mbledhje u mor vendimi që të shtohen edhe 90 helikopterë të rinj për ndihmë urgjente.

Më 15 maj në mëngjes, Wen Jiabao arriti në qytetin Guangyuan në veri të provincës Sichuan, për të inspektuar distriktin Qingchuan të prekur rëndë nga fatkeqësia.

Po më 15 maj në mëngjes, Shtabi i Përgjithshëm i Ushtrisë dha urdhrin që të shtohen edhe 71 helikopterë transportues për ndihmën. Në të njëjtën kohë, sektorët e aviacionit civil kanë dërguar 30 helikopterë transportues në rajonet e prekura. (Shy Guan) (Artan)