Sipas njoftimeve të Agjencisë kineze të Lajmeve Hsinhua, më 13 maj, në orën 23.15, grupi i parë i shpëtimit arriti në Wenchuan. Kështu u hap rruga e jetës për në distriktin Wenchuan të qarkut autonom Aba të kombësive tibetiane dhe qiang, zona kryesore e dëmtuar nga tërmeti i madh.

Pas rënies së tërmetit në distriktin Wenchuan, rrugët, energjia elektrike dhe informacioni u ndërprenë. Më shumë se 100 mijë banorët e distriktit Wenchuan humbën lidhjet me jashtë.

Më 13 maj pasdite, 30 trupat e para shkuan më këmbë në qytezën Yingxiu të distriktit Wenchuan dhe shpëtuan 300 të plagosur.

Po më 13 maj në mbrëmje, 200 veta nga ndonjë divizion i Policisë së Armatosura Kineze arritën në distriktin Wenchuan dhe zhvilluan menjëherë aktivitetet e shpëtimit.

Deri në orën 8 të 14 majit, më shumë se 800 oficerë dhe ushtarë të Policisë së Armatosur Kineze kanë zhvilluar punët e shpëtimit. Trupa të tjera vazhdojnë të shkojnë në Wenchuan
(Çang Çuo) (Artan)