Më 12 maj në mbrëmje, Komiteti i Përhershëm i Byrosë Politike të Komitetit Qendror të Partisë Komuniste të Kinës, që është parti në fuqi, thirri një mbledhje, ku u planifikua në mënyrë të gjithanshme puna e ndihmës në rastin e tërmetit.

Në mbledhje u paraqit kërkesa që të organizohen menjëherë reparte ushtarake dhe punonjës të mjekësisë e higjienës të shkojnë sa më shpejt në zonat e prekura nga tërmeti, për të ndihmuar me të gjitha forcat të plagosurit. Kërkohet që ata të bëjnë të gjitha përpjekjet për të çuar atje ushqime, ujë të pijshëm, ilaçe, çadra dhe materiale të tjera ndihme, duke siguruar ushqimet, rrobat, ujin e pastër dhe strehën e përkohshme për masat popullore në zonat e prekura nga fatkeqësia e tërmetit. Ata duhet të riparojnë në kohë pajisjet e dëmtuara, të rimëkëmbin sa më shpejt rrugët e transportit, linjat elektrike, telekomunikacionin dhe furnizimin me ujë, Ata duhet gjithashtu të kontrollojnë me kujdes gjendjen e fatkeqësisë së tërmetit dhe të marrin masa efikase për të parandaluar fatkeqësi të tjera. (Shy Guan) (Artan)