Korrespondentët e Radios së Jashtme të Kinës njoftuan se më 12 maj pasdite pas rënies së tërmetit të fuqishëm në Wenchuan të provincës Sëchuan të Kinës, krahina të ndryshme të Kinës filluan t'u japin ndihmë zonave të prekura nga tërmeti.

Pas tërmetit të fuqishëm në Sëchuan, Bashkia e qytetit të Pekinit u dha menjëherë zonave të prekura nga tërmeti 3 milionë yuanë ndihmë. Masat popullore dhe ndërmarrje të qytetit të Pekinit po u japin ndihma zonave të prekura nga tërmeti nëpërmjet kanaleve të ndryshme. Qyteti Shangait i Kinës lindore ka organizuar ekipe të ndihmës mjekësore për në frontin e parë të luftës për zhdukjen e pasojave të tërmetit.

Më 12 maj në mbrëmje, Kryqi i Kuq i Honkongut të Kinës u ka dërguar 500 mijë yuanë kontribute zonave të prekura nga tërmeti nëpërmjet Kryqit të Kuq të Kinës duke dërguar edhe persona përkatës në këto zona për të vlerësuar gjendjen e fatkeqësisë si dhe për zhdukjen e pasojave të kësaj fatkeqësie. ( Zhai)