Sipas njoftimeve të Radios së Jashtme të Kinës, më 12 maj ra një tërmet i fortë 7.8 ballësh në distriktin Wencuan të provincës Sicuan. Qeveritë dhe liderët e disa vendeve dhe drejtuesit e organizatave ndërkombëtare i shprehën palës kineze ngushëllime.

Më 12 maj, kryeministri japonez Yasuo Fukuda, presidenti i Rusisë Dmitri Medvedev, presidenti amerikan Bush, presidenti francez Nikolas Sarkozi, kancelarja e Gjermanisë Angela Merkel, kryeministri i Sllovenisë Janez Jansa etj. i dërguan letra ose telegrame kryetarit të shtetit të Kinës Hu Jintao për të shprehur ngushëllime të sinqerta. Shumë liderë u shprehën se do t'i japë Kinës ndihmë për punën e shpëtimit në zonat e prekura nga tërmeti.

Po atë ditë, sekretari i përgjithshëm i OKB-së Ban Ki Moon i telefonoi ministrit të Jashtëm të Kinës Yan Jiechi për të shprehur në emër të OKB-së ngushëllime. Ai tha se OKB-ja do ta përkrahë me të gjitha forcat Kinën për punën e shpëtimit dhe për rindërtimin.

Kryetari i Komitetit Olimpik Ndërkombëtar Zhak Rog shprehu hidhërime për viktimat e tërmetit dhe theksoi se para fatkeqësisë, komiteti i tij dëshiron të qëndrojë së bashku me popullin kinez. (Du) (Artan)