Sipas njoftimeve të Agjencisë Kineze të Lajmeve Sinhua, gjatë incidentit kriminal me dhunë të rrahjes, shkatërrimit, grabitjes dhe djegies në qytetin Lhasë, 18 banorë të pafajshëm humbën jetën. Kohët e fundit, korrespondenti mësoi statusin e 13 të vdekurve nga Drejtoria e Sigurimit Publik e qytetit të Lhasës dhe nga të afërmit e tyre.

Mësohet se mes këtyre 13 të vdekurve, 12 u vranë në 4 raste të djegies.

Prej tyre, 5 punonjëse nga 19 deri 24-vjeçare të dyqanit të rrobave "Yicun" u dogjën. Një prej tyre, që quhet Tsering Drolkar, ishte nga qyteti Rikeze dhe 4 të tjera janë vajza të kombësisë hane nga provinca Henan dhe provinca Siçuan. Në dyqanin e motobiçikletave të distriktit Dazi, 5 njerëz u dogjën. Ata janë të kombësisë hane të ardhur nga Henan-i, duke përfshirë një çift me birin e tyre 8-muajsh. Në dyqanin e rrobave "Honyukuye" dhe në dyqanin e rrobave "Huahuagongzi" një burrë dhe një grua të kombësisë hane u dogjën. Ata ishin nga provinca Hunan. (Du) (Artan)