Më 24 shtator, në Pekin, gazetari i Radios së Jashtme të Kinës mësoi nga Konferenca e Internetit të Kinës e Vitit 2007 se shumë ndërmarrje kineze po përpiqen të përdorin teknologjinë e internetit për përkrahjen e Lojërave Olimpike të vitit 2008.

Si sponsori i vetëm me shërbime të përmbajtjes së internetit për Lojërat Olimpike të Pekinit, kompania e njohur kineze e internetit "Sohu" do të bëjë njoftime të pasura për Lojërat Olimpike të Pekinit. Njoftimet para kësaj veprimtarie përfshijnë stafetën e pishtarit olimpik, përgatitjen e sportistëve etj. Gjatë lojërave, do të raportohen kryesisht rezultatet e ndeshjeve dhe do të bëhen intervista me fituesit.

Edhe teknologjia e re e internetit të lëvizshëm do t'u shërbejë Lojërave Olimpike të Pekinit. Tani, është krijuar uebsajti i parë i lëvizshëm zyrtar olimpik. Do të ofrohen shërbimet e telekomunikacionit të lëvizshëm dhe të brezit të gjerë pa kabllo në fushat e transportit, të sigurimit, të mjekimit, të informacionit etj. (Shy Guan)