Nga 14 deri më 18 gusht, kryetari i shtetit i Kinës Hu Jintao bëri me ftesë vizitën shtetërore në Kirgizistan dhe Kazakistan, mori pjesë në Samitin e Oraganizatës së Bashkëpunimit të Shangait në Bishkek dhe pa manovrat e përbashkët ushtarake të vendeve anëtare të kësaj organizate në Rusi. Gjatë udhëtimit të kthimit në atdhe, ministri i Jashtëm i Kinës, Yang Jiechi, që shoqëroi kryetarin Hu Jintao në këtë vizitë, i tha korrespondentit të radios sonë se  kjo vizitë e kryetarit Hu Jintao është një vizitë e thellimit të bashkëpunimit të fqinjësisë së mirë dhe e nxitjes së zhvillimit të përbashkët dhe do të ushtrojë ndikime të thella.

Yang Jiechi tha se vizita shtetërore e kryetarit Hu në Kirgizistan dhe Kazakistan i dha dinamikë të re bashkëpunimit praktik dypalësh në fusha të ndryshme, konsolidoi miqësinë tradicionale me vendet e rëndësishme fqinje në veriperëndim dhe nxiti zhvillimin e vazhdueshëm dhe të shpejtë të marrëdhënieve miqësore të fqinjësisë së mirë midis Kinës dhe Kirgizistanit dhe të partneritetit strategjik midis Kinës dhe Kazakistanit.

Krahas këtyre, fjalimin e rëndësishme e kryetarit Hu Jintao të dhënë në Samitin e Organizatës së Bashkëpunimit të Shangait në Bishkek u paraqit propozimi i rëndësishtëm i Kinës për nxitjen e zhvillimit të kësaj organizate në mënyrë të vazhdueshme dhe të shëndetshme. Liderët e vendeve anëtare nënshkruan pas samitit një sërë dokumentesh të rëndësishme, duke përfshirë "Marrëveshjen e bashkëpunimit miqësor afatgjat të fqinjësisë së mirë midis vendeve anëtare të Organizatës së Bashkëpunimit të Shangait". Liderët e vendeve anëtare panë nga afër edhe manovrat e përbashkëta ushtarake antiterroriste, të para të të gjitha vendeve anëtare të kësaj organizate. Të gjitha këto kanë konsoliduar besimin reciprok midis vendeve anëtare, kanë thelluar bashkëpunimin thelbësor, kanë nxitur zhvillimin e përbashkët dhe kanë ngritur prestigjin e kësaj organizate në botë.

Yang Jiechi tha se vizita e Hu Jintaos ka rëndësi të madhe për forcimin e marrëdhënieve të Kinës me Kirgizstanin, me Kazakistanin dhe me Rusinë, për mbrojtjen e sigurisë dhe të stabilitetit ndërkombëtar e rajonal dhe do të ushtrojë ndikime të thella për zhvillimin afatgjatë, të shëndetshëm dhe të qëndrueshëm të Organizatës së Bashkëpunimit të Shangait. (Fani/ Wang Lei)