Sipas njoftimeve të Radios së Jashtme të Kinës, më 15 gusht, kryetari i shtetit i Kinës Hu Jintao që ndodhet për vizitë shtetërore në Kirgizistan, u takua në Bishkek me presidentin e Taxhikistanit Emomali Rakhmon që ka ardhur atje për të marrë pjesë në Samitin e Organizatës së Bashkëpunimit të Shangait. Të dyja palët u shprehën që do të vazhdojnë të nxitin bashkëpunimin e ngushtë midis dy vendeve në fushat e ndryshme.

Hu Jintao tha se perspektiva e bashkëpunimit konkret midis Kinës dhe Taxhikistanit është e gjerë. Qeveria kineze inkurajon ndërmarrjet kineze me potencialin ekonomik të shkojnë në Taxhikistan për investime dhe përkrah provincat përkatëse të të dy vendeve të forcojnë bashkëpunimin në fushën ekonomiko-tregtare.

Hu Jintao vuri në dukje se Organizata e Bashkëpunimit e Shangait ka ruajtur një prirje të mirë të zhvillimit dhe është bërë një forcë e rëndësishme politike në Euro-Azi, duke luajtur rol të madh për nxitjen e sigurisë dhe të zhvillimit rajonal, mbrojtjen e interesave të përbashkëta të vendeve anëtare etj. Pala kineze dëshiron të forcojë me palën taxhikistanase bashkëpunimin dypalësh kundër terrorizmit brenda kornizës së Organizatës së Bashkëpunimit të Shangait, dhe shpreson se të dyja të palët do të thellojnë bashkëpunimin për ndalimin e drogës dhe do të japin kontribut për mbrojtjen e paqes dhe të stabilitetit të të dy vendeve dhe të këtij rajoni. Rakhmoni tha se pala taxhikistanase shpreson se të dy vendet do të forcojnë bashkëpunimin në ndërtimin e infrastrukturës. (Sihai)