Më 15 gusht në Bishkek, kryetari i shtetit i Kinës Hu Jintao u takua përkatësisht me kryeministrin e Kirgizistanit Almaz Atambayev dhe kryeparlamentarin e këtij vendi Marat Sultanov.

Hu Jintao vlerësoi lart zhvillimin e marrëdhënieve kino-kirgizistanase. Ai u shpreh se megjithëse gjendja ndërkombëtare ka ndryshuar shumë, Kina përkrah gjithmonë pavarësinë kombëtare, sovranitetin dhe tërësinë territoriale të Kirgizistanit dhe zhvillon me vendosmëri marrëdhëniet e bashkëpunimit të miqësisë së fqinjësisë me këtë vend.

Duke folur për bashkëpunimin konkret me Kirgizistanin, Hu Jintao shprehu shpresën që të dyja palët do të përpiqen për të krijuar një mjedis të mirë dhe kushte të favorshme për këtë bashkëpunim, do të rregullin e tregtisë popullore, do të garantojnë interesat e ligjshme të ndërmarrjeve, do të realizojnë balancimin e tregtisë dhe do të ngrejnë nivelin e bashkëpunimit ekonomiko-tregtar të dy vendeve. Ai shprehu gjithashtu përkrahjen për bashkëpunimin miqësor të niveleve e të kanaleve të ndryshme dhe për shkëmbimin e përvojës në përmirësimin e legjislacionit dhe të kontrollit të administrimit.

Atambayevi u shpreh se qeveria kirgizistanase dhe populli kirgizistanas i kushtojnë rëndësi miqësisë me Kinën dhe përkrahjes së çmuar nga Kina. Ndërsa Sultanovi tha se parlamenti kirgizistanas do të përpiqet së bashku me Asamblenë Kombëtare Popullore të Kinës për zhvillimin e marrëdhënieve të miqësisë së fqinjësisë. Ai u shpreh se ky parlament i përmbahet qëndrimit të Kinës kontinentale mbi problemin e Tajvanit. (U Sen)