Korrespondenti i Radios së Jashtme të Kinës njoftoi se më 14 gusht, kryetari i shtetit i Kinës Hu Jintao arriti në kryeqytetin e Kirgizistanit Bishkek, duke filluar vizitën e tij të parë shtetërore në këtë vend. Në Bishkek, Hu Jintao do të marrë pjesë në samitin e 7-të të kryetarëve të vendeve anëtare të Organizatës së Bashkëpunimit të Shangait.

Hu Jintao mbajti në aeroport një fjalim me shkrim, në të cilin ai u shpreh se miqësia ndërmjet dy vendeve ka vazhduar prej mijëra vjetësh. Pas vendosjes para 15 vjetësh të marrëdhënieve diplomatike ndërmjet Kinës dhe Kirgizistanit, të dyja vendet kanë arritur mjaft rezultate të mira të bashkëpunimit në fushën politike dhe ekonomiko-tregtare. Të dyja palët kanë zgjidhur problemin e kufirit të mbetur nga historia. Ato kanë zhvilluar gjithashtu bashkëpunimin e ngushtë në kornizën e Organizatës së Bashkëpunimit të Shangait dhe të OKB-së, si rezultat, janë siguruar përfitimet e përbashkëta të të dy vendeve. Hu Jintao është i bindur se nëpërmjet bashkëpunimit dypalësh, vizita e tij do të jetë shumë e suksesshme. Marrëdhëniet miqësore e të fqinjësisë së mirë ndërmjet dy vendeve do të hyjnë në një periudhën të re.