Sipas njoftimit të Agjencisë Kineze të Lajmeve Hsinhua, kryetari i Komitetit Organizativ të Lojërave Olimpike të Pekinit Liu Qi tha më 7 gusht në Pekin se kërkesa për biletat e Lojërave Olimpike është shumë e madhe, kurse struktura nuk është e ekuilibruar. Tani, biletat për ceremoninë e hapjes dhe të mbylljes, si dhe për garat e ndeshjet më të rëndësishme nuk i përballojnë kërkesat, kurse bileta të garave dhe ndeshjeve të tjera ka akoma.

Siç mësohet, sasia e përgjithshme e biletave që do të shiten për Lojërat Olimpike të Pekinit do të jetë më se 7 milionë, ndër të cilat 75 % do të shiten brenda territorit të Kinës.

Përveç kësaj, komitetet olimpike të 132 vendeve e rajoneve të botës kanë paraqitur kërkesa për porositjen e biletave të Lojërave Olimpike. Liu Qi tha se Komiteti Organizativ Olimpik i Pekinit do të konsultohet më tej me palët përkatëse për të rregulluar me të gjitha mënyrat ofertën e biletave dhe për të plotësuar sa më shumë kërkesat e shikuesve. ( Zhai)