Sipas njoftimeve të Agjencisë Kineze të Lajmeve Hsinhua, më 7 gusht u hap në Pekin mbledhja e kryetarëve të delegacioneve të Lojërave Olimpike të vitit 2008. Në fjalën e rastit, kryetari i Komitetit Organizativ të Pekinit Liu Qi tha se Komiteti Organizativ i Lojërave Olimpike të Pekinit do të shfrytëzojë plotësisht këtë mbledhje për të njohur kërkesat e delegacioneve  të komiteteve rajonale olimpike dhe të vendeve të ndryshme për Lojërat Olimpike të Pekinit, dhe të kryejë me të gjitha përpjekjet punën e shërbimeve për Lojërat Olimpike.

Liu Qi u shpreh gjithashtu se shërbimet për Lojërat Olimpike të Pekinit do të ndjekin tri parime: 1. ndjekja e rregulloreve dhe normave të Komitetit Olimpik Ndërkombëtar; 2. trajtimi i barabartë dhe unifikimi i standardeve; 3. respektimi i karakteristikave të veçanta dhe përkujdesja për hollësirat.

Mbledhja e kryetarëve të delegacioneve të Lojërave Olimpike të Pekinit është një nga mbledhjet më të rëndësishme të Lojërave Olimpike. ( Zhai)