Drejtori i Degës së Kontrollit të Mjedisit pranë Drejtorisë së Përgjithshme Shtetërore për Mbrojtjen e Mjedisit të Kinës Lu Xingyuan tha më 26 prill se nëpërmjet masave komplekse sistemuese, gjatë periudhës së organizimit të Lojërave Olimpike vitin e ardhshëm në Pekin, cilësia e ajrit do të arrijë standardin e premtuar në vitin 2001 gjatë paraqitjes së kërkesës për organizimin e Lojërave Olimpike.

Lu Xingyuan tha se qyteti i Pekinit ka shtuar aftësinë e parandalimit të ndotjes së ajrit. Numri i ditëve me cilësi të mirë të ajrit në qytet është shtuar nga më se l00 ditë në vitin 2001 në 241 në vitin e kaluar.

Lu Xingyuan tha se për parandalimin e ndotjes industriale, Pekini ka transferuar disa fabrika me ndotje të rëndë dhe vitin e ardhshëm do të zbatojë standarde më të rrepta për daljen e gazit të makinave. Drejtoria e mbrojtjes së mjedisit do të kontrollojë 24 orë rresht nxjerrjen e ndotjeve nga termocentralet. ( Zhai)