Duke filluar nga 15 prilli, u shiten paraprakisht sportdashësve të gjithë botës biletat për të parë ceremonitë e hapjes dhe të mbylljes së Lojërave Olimpike të Pekinit dhe biletat për të parë ndeshjet dhe garat. Siç parashikohet, numri i biletave do të kalojë 7 milionë. 75% e tyre do të shiten në Kinë dhe 25% jashtë Kinës. Përgjegjësi i Qendrës së Biletave të Komisionit Organizativ të Lojërave Olimpike të Pekinit u shpreh se mënyra më e sigurt e blerjes së këtyre biletave është regjistrimi në faqen zyrtare të internetit të Komisionit Organizativ të Lojërave Olimpike të Pekinit. Të huajt dhe kinezët jashtë vendit duhet të bëjnë lutje në komisionin olimpik të vendit për të blerë biletën. Çmimet e 58% të biletave janë vetëm 100 juanë ose më e ulët se 100 juanë. Një pjesë e biletave do të shiten me çmime nën 10 juanë për nxënësit kinezë.(Shyguan)