Korrespondenti i Radios së Jashtme të Kinës njoftoi se më 26 mars pasdite, përfunduan të gjitha garat e hedhjes nga trampolina në Kampionatin e 12-të Botëror të Notit të FINA-s në Melburn. Ekipi kinez i hedhjes nga trampolina ka fituar 9 nga gjithsej 10 medaljet e arta, duke shënuar rezultatin e tij më të mirë në historinë e pjesëmarrjeve në Kampionatin Botëror të Notit.

Përpara kësaj, rezultati më i mirë i ekipit kinez në garat e hedhjes nga trampolina të FINA-s ishte 8 medalje ari. Ky rekord ishte vendosur në Kampionatin e 9-të Botëror të Notit të vitit 2001 në Japoni. (Shyguan)