Më 14 mars, drejtori i Drejtorisë së Shëndetësisë të Pekinit zoti Jin Dapeng i siguroi qarqet e huaja se Pekini do të ofrojë garanci më të mira për shëndetin publik. Ai tha se deri tani, Bashkia e Pekinit ka përcaktuar 45 lloje çështjesh të shëndetit publik që mund të kenë ndikime të mëdha mbi Lojërat Olimpike dhe Lojërat Paralimpike të vitit 2008, dhe ka bërë parashikimin dhe parandalimin për mundësinë e ndodhjes së rrezikut dhe nivelin e rrezikut. Këto çështje shëndetësore publike përfshijnë sëmundje ngjitëse, sigurinë e ushqimeve dhe të ujit të pijshëm etj. Lidhur me ndërtimin e sistemit të sigurimit të shëndetit publik gjatë Lojërave Olimpike, garantimin e sigurisë publike të aktiviteteve të mëdha, punët e ndihmës mjekësore etj, Pekini ka zhvilluar studime dhe shkëmbime të gjerë mendimesh me specialistë dhe studiues nga Organizata Botërore e Shëndetësisë, SHBA-ja, Australia, Koreja e Jugut etj.