Sipas njoftimeve të Agjencisë Kineze të Lajmeve Hsinhua, më 15 janar, në Pekin, u krijua Ministria e Bashkërendimit të Punëve Policore Ndërkombëtare pranë Qendrës Drejtuese të Sigurimit dhe të Mbrojtjes të Lojërave të 29-ta Olimpike. Funksionari i çështjeve të sigurimit të Lojërave Olimpike të Pekinit tha se ky është një hap i ndërmarrë nga Pekini për të forcuar bashkëpunimin ndërkombëtar në fushën e sigurimit të Lojërave Olimpike.

Siç mësohet, Ministria e Bashkërendimit të Punëve Policore Ndërkombëtare e sapokrijuar do të zhvillojë bashkëpunim dhe shkëmbime ndërkombëtare me sektorët policorë nga rajone dhe vende të ndryshme për punën e sigurimit të Lojërave Olimpike të Pekinit, kryesisht për të marrë përvojë dhe njohuri në fushën e sigurimit nga qytete dhe vende që kanë organizuar lojërat olimpike dhe veprimtari të tjera sportive ndërkombëtare të mëdha dhe për të forcuar bashkëpunimin ndërkombëtar në fushën e shkëmbimit të informacioneve dhe të njoftimeve për sigurimin e Lojërave Olimpike. (Shyguan)