Sikurse njoftoi korrespondenti i Radios së Jashtme të Kinës, më 12 dhjetor sipas orës vendore, në Lojërat Aziatike të Dohës u dhanë 36 medalje të arta. Delegacioni kinez fitoi 13 prej tyre. Deri tani, delegacioni kinez ka fituar 137 medalje të arta, 75 medalje të agjendta dhe 57 medalje të bronzta, duke vazhduar të zënë vendin e parë në listën e medaljeve të arta dhe në listën e përgjithshme të medaljeve. Koreja e Jugut zë vendin e dytë me 47 medalje të arta, ndërsa Japonia të tretin me 46 medalje të arta.

Në finalen e vrapimit 110 metra me pengesa për meshkuj, atleti Liu Xiang fitoi titullin e kampionit me rezultatin 13 sekonda dhe 15 qindtat, duke thyer rekordin vetjak në Lojërat Aziatike me kohën 13 sekonda e 27 qindtat. Në finalen e volejbollit për femra, ekipi kinez mundi ekipin japonez me rezultatin 3:1, duke u shpallur ashtu si edhe në ediconin e kaluar kampion i këtyre lojërave.

Në çerekfinalen e basketbollit për meshkuj, ekipi kinez mundi ekipin e Koresë së Jugut, i cili është kampioni i Lojërave të kaluara Aziatike, duke u futur në gjysmëfinale. Në gjysmëfinalen e tenisit për femra, tenistja kineze Zheng Jie mundi tenisten japoneze Nakamura Aiko.(Shyguan)