Më 7 dhjetor, inxhinieri i përgjithshëm dhe zëdhënësi i shtabit të drejtimit të ndërtimit të objekteve për Lojërat Olimpike të vitit 2008 në Pekin Wu Jingjun u shpreh në Pekin se punimet për ndërtimin e pallateve sportive për Lojërat Olimpike të vitit 2008 në Pekin do të përfundojnë plotësisht para fundit të vitit 2007. Deri tani, numri i pallateve sportive dhe instalimeve përkatëse që po ndërtohen për Lojërat Olimpike të Pekinit?ka arritur në 45, duke përfshirë 25 pallate sportive të ndeshjeve, 15 pallate sportive të stërvitjes dhe 5 objekte përkatëse. Kanë përfunduar punimet e ndërtimit të konstruksioneve kryesore të stadiumit shtetëror në formën e "Folesë së zogut" dhe të pallatit kombëtar të sportit Në fund të këtij viti do të përfundojnë punimet për instalimin e strukturës së jashtme të qendrës kombëtare të notit, e emërtuar "Kubi ujor". Të tre pallatet e mëdha duken të bukura në pamjen e tyre të jashtme. Përveç këtyre, tashmë janë përuruar dhe janë vënë në përdorim stadiumi i bejzbollit në distriktin Fengtai dhe qendra e atletikës në distriktin Chaoyang. (Shyguan)