Sipas njoftimeve të Radios së Jashtme të Kinës, më 3 dhjetor në Rajonin e Posaçëm Administrativ të Hong-Kongut u hap Panairi i Telekomunikacionit Ndërkombëtar të Bashkimit të Telekomunikacionit Ndërkombëtar (ITU) 2006. Në këtë panair marrin pjesë më shumë se 600 ndërmarrje të telekomunikacionit të 40 vendeve dhe rajoneve.

Kryetari i përgjithshëm i Komitetit të Përhershëm të Asamblesë Kombëtare Popullore të Kinës Wu Bangguo mori pjesë në ceremoninë e hapjes së këtij panairi.

Panairi i Telekomunikacionit Ndërkombëtar është panairi më i madh i pajisjeve dhe i teknologjive të informacionit dhe të telekomunikacionit, i cili zhvillohet nga Bashkimi i Telekomunikacionit Ndërkombëtar (ITU).

Organizimi i këtij panairi që do të zgjatë 5 ditë është marrë përsipër nga qeveria e Rajonit të Posaçëm Administrativ të Hong-Kongut. Sipërfaqja e përgjithshme e këtij panairi është më shumë se 60 mijë metra katrorë. Ky është panairi me numrin më të madh të sipërmarrësve dhe përmasat më të mëdha. (U Sen)