Më 1 tetor kryetari i shtetit i Kinës Hu Jintao shkoi në kantierin e ndërtimit të Stadiumit Kombëtar, stadiumit kryesor të Lojërave Olimpike të Pekinit, duke u takuar me punëtorët në kantier. Hu Jintao tha se organizimi i Lojërave Olimpike është aspirata e përbashkët e popullit kinez të kombësive të ndryshme. Ai shprehu shpresën se ndërtuesit do të ndërtojnë stadiume e pallate olimpike cilësore dhe do të japin kontribut më të madh për organizimin e Lojërave Olimpike karakteristike dhe në nivel të lartë.

Hu Jintao paraqiti edhe kërkesën që të ngrihet niveli i ndërkombëtarizimit në punët përgatitore dhe të krijohet një atmosferë e mirë shoqërore për Lojërat Olimpike. Ai shprehu shpresën se Pekini do të përpiqet të nxitë zhvillimin e madh të ekonomisë dhe të organizojë Lojëra Olimpike të nivelit të lartë.