Sipas njoftimeve të Radios së Jashtme të Kinës, në mbrëmjen e 24 shtatorit, përfundoi në Madrid kampionati botëror i badmintonit i vitit 2006. Badmintonistët kinezë u paraqitën shkëlqyeshëm, duke fituar tituj kampion në të gjitha garat, përveç asaj për çift të përzier.

Në finalen për meshkuj si çift, Fu Haifeng dhe Cai Yun triumfuan 2-0 mbi anglezët Blair dhe Clark. Të dyja setet përfunduan përkatësisht me rezultatin 21-9 dhe 21-13. Ky është titulli i parë i Kinës në garën për meshkuj si çift pas vitit 1989.

Ndërsa në finalen për meshkuj si individ, Lin Dan fitoi 2-1 me shokun e tij Bao Chunlai, duke bërë të vetin titullin e parë botëror në karrierën e tij. Krahas këtyre, Xie Xingfang dhe çifti i përbërë nga Gao Ling dhe Huang Sui fituan përkatësisht titullin për femra si individ dhe si çift. Çifti anglez Robertson dhe Emms fitoi titullin kampion si çift i përzier. (Jiang Lei)