Sipas lajmeve të Radios së Jashtme të Kinës, më 11 gusht në Pekin, kryetari i Komitetit Organizativ Olimpik të Pekinit Liu Qi u shpreh gjatë takimit me delegacionin e Senatit të SHBA-së se Kina ka besim që do të organizojë Lojëra Olimpike me karakteristika të vetat dhe me nivel të lartë.

Liu Qi i tregoi delegacionit se tani puna përgatitore e Pekinit për organizimin e Lojërave Olimpike është zhvilluar normalisht dhe se janë arritur synimet e ndryshme të planit. Gjatë përgatitjes, Komiteti Organizativ Olimpik i Pekinit ka mësuar dhe ka marrë përvojë nga Athina, Sidneji, qyteti amerikan Salt Lake,etj në organizimin e Lojërave Olimpike. Liu Qi gjithashtu shprehu dëshirën që vizita e delegacionit të Senatit të SHBA-së të jetë në të mirë të njohjes së popullit amerikan me Lojërat Olimpike të Pekinit.

Kryetari i përkohshëm i Senatit të SHBA-së Ted Stevens shprehu urime për arritjet e Pekinit në organizimin e Lojërave Olimpike. Ai shprehu gjithashtu besimin se Lojërat Olimpike e Pekinit do të jenë më të mirat në historinë olimpike. (Jiang Lei)