Sipas njoftimeve të Agjencisë kineze të Lajmeve Hsinhua, do të arrijë 500 kilometra në orë shpejtësia më e lartë e trenit magnetik midis Shangait dhe Hangzhout që do të ndërtohet.

Më 23 maj pasdite, kancelarja gjermane Angela Merkel vizitoi trenin magnetik dhe udhëtoi me të nga qendra e qytetit Shangai deri në aeroportin ndërkombëtar Pudong. Sipas fjalëve të një specialistit kinez, e gjithë gjatësia e hekurudhës së trenit magnetik të Shangait është 30 kilometra dhe ka vetëm dy ndalesa, pikën e fillimit dhe pikën e fundit. Shpejtësia më e lartë është 430 kilometra në orë.

Merkel u shpreh se qeveria gjermane do të përkrahë aktivisht bashkëpunimin shkencor dhe projektin midis Gjermanisë dhe Kinës në fushën e trenit magnetik.

Më 23 maj, Merkel përfundoi vizitën e parë në Kinë pas marrjes së detyrës së kancelares së Gjermanisë. (Çang Çuo)