Sipas njoftimeve të Radios së Jashtme të Kinës, më 13 mars, u deklarua nga zëdhënësi i Ministrisë Fianciare të Kinës Chong Quan se do të hapet, më 22 të këtij muaji, në Pekin Samiti i Qarqeve Industrialo-Tregtare Kino-Ruse.

Ai tha se ky samit është një aktivitet ekonomiko-tregtar i përmasave të mëdha dhe me nivel të lartë në "Vitin e Rusisë", i zhvilluar nga Kina. Ky samit do të zgjatë një ditë dhe në të do të marrin pjesë më shumë se 600 veta, duke përfshirë edhe funksionarë qeveritarë të Kinës dhe të Rusisë, persona të qarqeve industrialo-tregtare, specialistë dhe dijetarë.

Chong Quani u shpreh se Kina dhe Rusia janë partnerë ekonomiko-tregtarë reciprokë. Në vitin 2005, vlera e përgjithshme tregtare kino-ruse shkoi në afro 30 miliardë dollarë amerikanë. Ky samit do të jetë në interes të mirëkuptimit reciprok dhe të zhvillimit të bashkëpunimit në fusha të ndryshme midis të dyja vendeve. (U Sen)