Sipas njoftimit të Agjencisë Kineze të Lajmeve Hsinhua, uebsajti i qeverisë qendrore e Republikës Popullore të Kinës do të hapet më 1 janar të vitit 2006.

Ky uebsajt është një platformë për Këshillin e Shtetit të Kinës, departamentet e ndryshme të këtij institucioni dhe bashkitë e zonave administrative në rang province që të transmetojnë informacione rreth çështjeve politike dhe të ofrojnë shërbime në internet. Në këtë uebsajt ka 4 zona, si zona e informacionit rreth çështjeve politike, zona e shërbimeve, zona e shkëmbimeve reciproke dhe zona e funksioneve.

Adresa e këtij uebsajti është www.gov.cn. Tani ka tre versione, në hieroglifet kineze të thjeshtzuara, në hieroglifet kineze tradicionale dhe në anglishte. Në dy versionet e para ka 12 rubrika, si "Kina sot", "Gjendje në Kinë" etj. Në versionin anglisht ka 7 rubrika, si shërbimet për të huajt, "Biznesi i Kinës" etj. (U Sen)