Shumica e banorëve të varfër të Kinës janë të përqendruar nëpër fshatra. Gjatë 10 vjetëve të kaluar, numri i popullsisë së varfër në fshatrat kinezë është pakësuar nga 65 milionë në 26 milionë e 100 mijë, domethenë është pakësuar më shumë se gjysma. Pra Kina u bë i vetmi vend në botë që realizoi para kohe objektivin e zhvillimit mijëvjeçar të OKB-së për përgjysmimin e popullsisë së varfër.

Në një mbledhje që u mbajt më 6 dhjetor, shefi i zyrës së Këshillit të Shtetit të Kinës në ndihmë të të varfërve, Liu Jian bëri të ditur se gjatë 10 vjetëve të fundit, qeveria kineze ndjek rrugën e zhvillimit në ndihmë të të varfërve që, nën drejtimin e qeverisë, me pjesëmarrjen e të gjithë shoqërisë dhe duke u mbështetur tek forcat e veta, të ndihmohen banorët e varfër dhe ka zgjidhur problemin e ushqimit të shumë banorëve të varfër. Por, ai pohoi njëkohsisht se deri tani numri absolut i popullsisë së varfër në fshatrat kinezë është ende i madh, prandaj kemi edhe shumë punë për të bërë në këtë drejtim. ( Zhang )