Agjencia kineze e lajmeve Hsinhua njoftoi se më 25 nëntor, sekretari i përgjithshëm i KQ të PK të Kinës Hu Jintao drejtoi mbledhjen e Byrosë Politike të KQ të PK të Kinës, ku u analizua gjendja e tanishme ekonomike dhe u diskutua puna ekonomike e vitit të ardhshëm të Kinës. Mbledhja është e mendimit se duhet të realizohet si duhet puna ekonomike e vitit të ardhshëm dhe duhet të ruhet vazhdueshmëria dhe stabiliteti i politikës së ekonomisë makroskopike.

Mbledhja ishte e mendimit se nga fillimi i këtij viti, ekonomia kombëtare e Kinës vazhdoi rritjen e shpejtë dhe të gjitha çështjet shoqërore janë forcuar më tej, jetesa e popullit vazhdoi të përmirësohet. Mbledhja vuri në dukje se në punën ekonomike të vitit të ardhshëm, do të forcohen reforma dhe hapja, si dhe aftësia e shpikjeve të reja, do të ngrihen cilësia dhe efikasiteti i rritjes ekonomike, do të realizohen zhvillimi i vazhdueshëm, i shpejtë, përpjesëtimor dhe i shëndetshëm i ekonomisë kombëtare dhe progresi i gjithanshëm i shoqërisë si dhe do të nxitet krijimi i një shoqërie të harmonishme. (Zhai)