Sipas lajmeve të 23 majit të gazetës Renminribao, ministri i tregtisë i Kinës Bo Xilai tha se zhvillimi i Kinës gjatë viteve të fundit ka dhënë kontribut të rëndësishëm për zhvillimin e mëtejshëm të tregtisë dhe ekonomisë botërore. Zhvillimi i Kinës është në dobi të mbarë botës.

Bo Xhilai tha se së pari zhvillimi i Kinës në fushën ekonomike dhe tregtare ka krijuar fitime të shumta për investuesit e botës. Sipas të dhënave statistikore, gjatë 15 vjetëve të fundit, ndërmarrjet e huaja në Kinë kanë dërguar gjithsej 250 miliardë dollarë jashtë Kinës.

Së dyti, produkte kineze me cilësi të larta dhe me çmime të ulëta kanë ulur shpenzimet e vendeve importuese. Sipas raportit përkatës, 10 vjetët e fundit, produkte kineze i kanë ndihmuar konsumatorët e të gjithë botës të kursejnë 600 miliardë dollarë. Ndërkohë Kina ka importuar një sasi të madhe produktesh të huaja.

Krahas këtyre, zhvillimi i Kinës ka ngritur statusin e vendeve në zhvillim në ekonominë botërore, duke zgjeruar hapësirën për përmirësimin e strukturës industriale të botës. (Jiang Lei)