Sipas njoftimeve të 29 prillit të Agjencisë Hsinhua nga Shangai, nënkampioni i Evropës, Saive Jean Michel është i mendimit se lojtari i njohur kinez, Ma Lin do të fitojë titullin e kampionit të Kampionatit Botëror të Pingpong-ut të Shangait.

Lojtari 35-vjeçar Saive Jean Michel që sapo ka arritur në Shangai filloi stërvijent e parë për t'u mësuar me stadiumin e Shangait. Kur i pyet gazetari kush do të jetë kampioni i këtij kampionati, Saive Jean Michel tha pa asnjë hezitim se lojtari i njohur Ma Lin që ka fituar për 3 herë kampionin botëror do të jetë fituesi. Dhe sipas orarit të ndeshjeve, Ma Lin do të jetë rivali i vetëm kinez i Saive Jean Michel para ndeshjeve çerekfinale.

Saive Jean Michel tha se të gjithë lojtarët kinezë janë të fuqishëm dhe kanë bërë shumë përgatitje për Kampionatin Botëror të Pingpongut të Shangait. Dhe për atë, ndeshjet kundër lojtarëve kinezë janë gjithmonë të vështira. Duke folur për synimin e vet në këtë kampionat, Saive Jean Michel tha se në fakt ai ende nuk ka një synim të caktuar, prandaj ai do të përpiqet për të fituar ndeshjet njera pas tjerës.

Në syrin e Saive Jean Michel, krahas Ma Lin, edhe lojtari i Shangait, Wang Liqin është një sfidues i fuqishëm për titullin e kampionit. Ai shtoi se kampioni i Evropës, Vladimir Samsonov është lojtari i vetëm evropian që ka shansë për kampion, sepse në zonën e tij nuk ka asnjë lojtar kinez. (Jiang Lei)