Pas Kinës, edhe India ka shpallur planin e saj të madh për zhvillimin e anijes me kozmonautë. Në vitin 2003, kryeministri indian Vaxhepaj shpalli se India do të zhvillonte fluturimet kozmike me kozmonautë dhe kërkimet në Hënë. India mund të lëshonte që në gjysmën e parë të vitit 2008 një mjet pa kozmonautë rreth Hënës, nëse arrinte sukses, do të përpiqej të realizonte uljen e anijes kozmike me kozmonautë në Hënë në vitin 2015, për t'u bërë vendi i pestë që ka kryer kërkime në Hënë pas Rusisë, SHBA-së, Japonisë dhe Kinës.

Ish-Bashkimi Sovjetik është një nga vendet e para që kanë zhvilluar kërkime në Hënë dhe ka bërë mbi 60 herë fluturime rreth Hënës, por në vitet '70 të shekullit të kaluar ai hoqi dorë nga plani aventuresk i Hënës. Në shekullin e 21-të Rusia rifilloi rrugën e hulumtimit të Hënës.

Në dhjetor të vitit 2006 Agjencia amerikane e Aeronautikës dhe e Hapësirës (NASA) publikoi "Strategjinë e kërkimeve të gjithë rruzullit tokësor" dhe konceptin fillestar të "Planit mbi bazën në Hënë", duke shpallur se nga viti 2020 do të fillojë punimet e ndërtimit të bazës në Hënë dhe para vitit 2024 do të dërgojë persona për të punuar në mënyrë afatgjatë në këtë bazë.

Në vitin 2004 Agjencia Hapësinore Evropiane shpalli planin "Hyjnorja e Dritës": në periudhën 2020 ? 2025 do të realizohet ngjitja e anijes kozmike me kozmonautë në Hënë dhe njëkohësisht ndërtimi i bazës në Hënë.

?

Në vitet '90 të shekullit të kaluar mjeti i parë i Japonisë për studimin e Hënës hyri në hapësirën kozmike dhe kështu Japonia u bë vendi i tretë hulumtues i Hënës në botë. Japonia ka në plan që brenda 10 vjetëve të lëshojë një mjet zbulues pa kozmonautë dhe që pas 20 vjetëve të ndërtojë një bazë hulumtimi pa kozmonautë në sipërfaqen e Hënës.

Republika e Koresë dhe Brazili kanë plane për zhvillimin e shpejtë të çështjes së tyre kozmonautike dhe kanë mundësi që të bëhen lëshues të satelitëve me kosto të ulët.

Në çështjen kozmike ka konkurrim ndërkombëtar, por hapësira kozmike është pasuria e përbashkët e njerëzimit dhe bashkëpunimi paqësor e shfrytëzimi i përbashkët i saj janë bërë edhe një prirje në botë.

"Konkurrenca midis fuqive të mëdha në hapësirën kozmike" po shkakton një "luftë të re yjesh". Por kjo "luftë e madhe" nuk është në asnjë mënyrë luftë tradicionale, por është një luftë e konkurrimit të njerëzimit për hulumtimin e burimeve kozmike nën parimin e shfrytëzimit paqësor dhe të përbashkët. ( Drita-Daming )