Në Lojërat Olimpike në Los Anxhelos të SHBA-së para 24 vjetëve, skermistja kineze Luan Jujie fitoi medaljen e parë të artë në histori për delegacionin kinez. Pas 24 vjetëve, më 12 gusht të vitit 2008 në Lojërat Olimpike të Pekinit, në ndeshjen finale të kordhës si individ për meshkuj, 24-vjeçari kinez Zhong Man fitoi medaljen e artë në kordhën si individ për meshkuj. Kjo është medalja e parë e artë e ekipit kinez të skermës pas vitit 1984 e është gjithashtu edhe medalja e parë e artë e ekipit kinez të skermës për meshkuj në historinë e Lojërave Olimpike.

Për potencialin e Zhong Manit, kundërshtarit të tij në ndeshjen finale, skermistit francez Nikolas Lopez, i takon të flasë. Pas ndeshjes ai tha se Zhong Mani është i denjë për fitimin e medaljes së artë.

"Unë e kam luajtur mjaft mirë mjeshtërinë time, por në krahasim me të, ai ka luajtur akoma më mirë. Pikërisht nga kjo ai fitoi titullin e kampionit, kjo do të jetë pasuria e tij për gjithë jetën."

Duke folur për nxënësin e tij të mirë, trajneri francez Kristian Bauer tha me krenari të hapur:

"Në radhë të parë, nga kushtet trupore Zhong Mani është një sportist shumë i përshtatshëm për skermën. Ai luan me shpejtësi të madhe dhe me lëvizje korrekte të dorës, të gjitha këto janë të kënaqshme. Së dyti, ai është shumë i zgjuar, i ka kuptuar shumë shpejt gjërat taktike që unë ia kam shpjeguar përherë. Kjo cilësi e tij është jashtëzakonisht e mirë."

Pas një pritjeje 24-vjeçare u fitua më në fund një medalje e artë nga Kina në këtë disiplinë sportive. Drejtuesi i ekipit kinez të skermës Wang Jian shprehu mendimin se kjo është jo vetëm një demonstrim i përgjithshëm i potencialit të skermistëve kinezë, por është një justifikim për përpjekjet e paepura shumëvjeçare të tyre. (Drita-Daming)