Gjatë konkurrimit të ashpër në lojërat olimpike, dëgjohet shumë shpesh shprehja "nuk e pritja". Aq më tepër, në ditën e parë të garave dhe ndeshjeve të Lojërave Olimpike të Pekinit, kur qitësi 22-vjeçar kinez Pang Vei, që merr pjesë për herë të parë në lojërat olimpike, fitoi medaljen e artë në garën e qitjes me pistoletë me ajër 10 metra për meshkuj, shumë njerëz thanë se "Unë nuk e pritja". Por ata nuk duhet të harrojnë se, para 4 vjetëve, në Lojërat Olimpike të Athinës, Vang Yifu, trajneri i djaloshit Pang Vei, fitoi medaljen e artë pikërisht në këtë disiplinë.

Në vitin 2005, Vang Yifu u bë trajneri i përgjithshëm i ekipit kinez të qitjes. Ky qitës veteran, që quhej dikur "sportist i medaljes së artë", u mësua shpejt me punën e trajnerit dhe u quajt "mjeshtër për medalje të artë". Në vitin e parë të punës së tij si trajner, Vang Yifu zgjodhi personalisht dhe përgatiti qitësin e shquar Pang Vei, i cili zuri vendin e parë qysh në garën e qitjes me pistoletë me ajër 10 metra për meshkuj në kampionatin botëror të qitjes të vitit 2006. Në atë kohë, Pang Vei ishte 20 vetëm vjeç. Pas 2 vjetëve, ai fitoi titullin e kampionit të lojërave olimpike me një epërsi më të madhe, duke shtuar nderin e "mjeshtrit për medalje të artë". (Zheng)