dëgjoni

Kjo melodi klasike titullohej më parë "Fyelli dhe kambana në muzg" dhe ishte një solo melodike e interpretuar me veglën muzikore popullore kineze pipa. Më vonë ajo u përpunua në melodinë orkestrale që interpretohet në instrumentet popullore kineze dhe u titullua: "Nata me hënë dhe lumi në pranverë me lule".

Kjo melodi është shumë e bukur dhe elegante. Në të përshkruhen në fillim tingujt e kambanës në bregun e lumit në mes të muzgut që po bie, pastaj pamjet e ndryshme mbi lumin e pranverës me lule nën dritën e hënës. Uji i lumit të madh herë rrjedh shpejt e herë ngadalë, ai ka të njëjtën ngjyrë me qiellin. Herë dëgjohet kthimi i varkës së vogël të peshkatarëve, me përhapjen e këngës peshkatare, dalëngadalë bëhet qetësi deri natën vonë, mbeten e largohen vetëm tingujt e fyellit në mes të qetësisë së natës me hënë.

Të dashur dëgjues, shijoni edhe një herë plotësisht këtë melodi orkestrale klasike kineze.

Të dashur dëgjues, ndoqët melodinë orkestrale klasike kineze: "Nata me hënë dhe lumi në pranverë me lule" dhe tani ju ftojmë të dëgjoni edhe disa melodi të muzikës popullore kineze.

Melodia orkestrale klasike kineze: "Kënga e mbrëmjes e varkës së peshkimit.".

Më në fund, të dashur dëgjues, ju ftojmë të dëgjoni interpretimin solo në veglën muzikore popullore guzheng: "Mali i lartë dhe përrenjtë e kulluar". (Drita-Daming )