Gjatë zhvillimit të këtij festivalit ndërkombëtar koreografik folklorik i Sinkiangut , dhjetëra ansamble kineze dhe të huaja dhanë dhjetëra shfaqje në teatrot dhe në sheshet e qyteteve Urumçi dhe Gjichang. Edhe nga Sinkiangu morën pjesë 21 trupa artistike. Këto trupa të valltarëve të Sinkiangut janë nga qarqet e kombësive të ndryshme autonome të Sinkiangut, ata kanë dhënë shfaqje me vallet karakteristike burimore të kombësive të tyre ...

Pjesa që po dëgjoni është një fragment nga vepra koreografike e trupës artistike Mukam të Sinkiangut "Pranvera e Mukamit". Mukami është një vepër muzikore madhështore e krijuar nga banorët e Sinkiangut dhe quhet si "margaritar i muzikës së Lindjes". Më 25 nëntor të vitit 2005, arti Mukam i Sinkiang-Ujgurit të Kinës u miratua zyrtarisht nga UNESKO-ja si "vepër përfaqësuese e trashëgimisë gojore jomateriale".

Drejtuesi i trupës artistike Mukam të Sinkiangut Meimeitiming Meimeitili i tha korrespondentit se trupa e tij u krijua në 1989, ajo është e vetmja trupë profesioniste që merret me trashëgimin, zbulimin, sistemimin dhe studimin e artit Mukam të Ujgurit. Qeveria kineze i ka kushtuar një rëndësi të madhe mbrojtjes së artit Mukam dhe në çdo distrikt të rajonit ka vendosur pika për mbrojtjen, trashëgimin dhe studimin e këtij arti. Për të demonstruar gjithë artin Mukam në këtë festival ndërkombëtar, të 152 anëtarët e trupës filluan qysh shumë kohë përpara përgatitjet. Drejtuesi i kësaj trupe Meimeitiming Meimeitili tha :"Kemi bërë dy vjet përgatitje për veprën 'Pranvera e Mukamit' .Organizimi i këtij festivali na dha një rast të mirë për të demonstruar sa më mirë veprën klasike të Ujgurit Mukam."

Në këtë festival janë ftuar edhe trupa folklorike "Rosinka" e Rusisë, trupa kombëtare folklorike e Egjiptit, trupa "Tamariki Poerani" e varur nga Franca, si dhe trupa të tjera artistike folklorike të ardhura nga 9 vende e rajone të 5 kontinenteve të botës. Trupa e valleve popullore e Universitetit Chihuahua të Meksikës erdhi kësaj herë për shfaqje me më se 30 artistë, Drejtuesi i kësaj trupe, Antonio Rubio Sagarnaga, i tha me gëzim korrespondentit se ky festival u dha popujve të vendeve të ndryshme një platformë të mirë të shkëmbimeve dhe të njohjes së kulturave folklorike të kombeve të ndryshme.

"Festivali na dha një rast të tillë. Jam i mendimit se është një gjë shumë e rëndësishme që shikuesit kinezë të njihen me kulturat e kombeve të tjera. Koreografët e vendeve të ndryshme të botës kanë një gjuhë të përbashkët, gjuhën e lëvizjes dhe të trupit, megjithëse popujt e kombeve të ndryshme kanë gjuhë të ndryshme, por gjuha e përbashkët koreografike u hapi një portë të njohjes së kulturave folklorike të kombeve të ndryshme. Shpresojmë se ky festival do të vazhdojë të organizohet edhe edicione të tjera në këtë qytet kaq të bukur, jeta e njerëzimit ka nevojë për formën artistike koreografike."

Spektatorja Zhang Yin është studente e Institutit artistik të Sinkiangut, ajo i tha korrespondentit se ka parë disa shfaqje të këtij festivali. Ajo u shpreh: "Bota nuk e ka njohur si duhet Sinkiangun dhe është e mendimit sikur Sinkiangu është pak i prapambetur dhe me zhvillim të ngadalshëm. Ky festival është një shans për botën për ta njohur Sinkiangun. Sinkiangu i hapi dyert botës. Tani në Siankinag janë zhvilluar si turizmi ashtu edhe sektori i shërbimeve".

Festivali i parë ndërkombëtar koreografik folklorik zgjati 10 ditë. Përveç mbrëmjes së ceremonisë së hapjes dhe 45 shfaqjeve të posaçme me këngë e valle, gjatë këtij festivali u organizuan edhe forumi koreografik, ekspozita e objekteve të zgjedhura arkeologjike, ekspozita e rezultateve të mbrojtjes së trashëgimisë kulturore jomateriale të Sinkiangut të Kinës, ekspozita e veprave të arteve figurative të Sinkiangut dhe ekspozita e pikturave fshatarë të Sinkiangut etj., që kanë demonstruar në mënyrë të gjithanshme kulturën karakteristike të këtij rajoni. ( Zhai) (Artan)