Filmi "5 plumba" u përshtat në bazë të një ngjarjeje të vërtetë. Një burg në Kinën Jugore pësoi përmbytje dhe më se 10 mijë të burgosur në të u detyruan të shpërngulen. Policët kapërcyen vështirësi të jashtëzakonshme dhe më në fund të gjithë të burgosurit arritën në vend të sigurt. Xiao Feng u shpreh se gjatë xhirimit, ai hasi shumë vështirësi. Për shkak të mungesës së fondeve, xhirimi i filmit u ndërpre për 7 herë. Megjithatë, Xiao Feng nuk hoqi dorë nga xhirimi. Ai tha ky është një film që i sjell emocion dhe ai kishte entuziazmin të mbarojë xhirimet. Për të shfaqur fatkeqësinë e vërtetë të përmbytjes, Xiao Feng dhe kolegët bënë përpjekje të mëdha. Ai tha:

"Ky është një film fatkeqësie dhe ne përdorëm shumë efekte të veçanta për të paraqitur fatkeqësinë."

Në film ka shumë skena që tronditin zemrën e shikuesve për shembull rënia e makinës së të burgosurve në ujë, rrëzimi i urës, sulmi i derdhjes baltë-gur etj. 90% e këtyre skenave u xhiruan me efekte të veçanta. Për shkak të mungesës së përvojës, kur sapo kishte mbaruar gjysma e xhirimeve, nuk kishte më fonde. Xiao Feng hapi depozitë bankare dhe shiti një apartament. Pas 3 vjetëve, ai e mbaroi më në fund xhirimin e filmit.

Xiao Feng është marrë me filmin për 28 vjet dhe ka fituar pothuajse të gjitha çmimet e rëndësishme kinematografike vendëse. Në vitin 1992, filmi i tij "Ejani!" fitoi çmimin "Viçi" ? çmimin më të lartë të filmit për fëmijë. Në vitin 1995, filmi i tij "Sun Wen në fëmijëri" fitoi çmimin "Huabiao" dhe çmimin "Viçi". Në vitin 2002, filmi i tij "Beteja" fitoi çmimin "Huabiao". Xiao Feng u shpreh se tani ai i kushton më shumë rëndësi vlerësimit të shikuesve për veprat e tij. Ai tha:

"Inkurajimi më i mirë për veprat e mia nuk janë çmimet, por shikuesit. Një film pa shikues nuk ka vlerë."

Xiao Feng u diplomua në fakultetin e pikturave të vajit të Insitutit Artistik të Nankinit. Pas diplomimit, Xiao Feng u punësua në një studio kinematografike si skenograf. Për të, një film përbëhet nga shumë piktura të lëvizshme. Atij i pëlqen shumë filmi dhe gradualisht filloi të drejtojë vetë film. Xiao Feng përdor shumë mjeshtërinë e vizatimit në xhirimin e filmit dhe filmat e tij kanë stil të veçantë. Veprat e Xiao Fengut u kushtojnë kryesisht vëmendje problemeve shoqërore. Duke folur për arsyen e zgjedhjes së punës së regjisorit, Xiao Feng tha:

"Një film përbëhet nga shumë skena. Jam i mendimit se në krahasim me pikturën, filmi mund të shfaqë më plotësisht mendimet e mia."

Xiao Feng u shpreh se puna e regjisorit të filmit është një punë e lodhshme. Procesi i xhirimit të filmit i ngjan ngjitjes në mal. Gjatë xhirimit, ai punon çdo ditë për 16 orë. Këtë vit ai do të xhirojë 3 filma. Xiao Feng tha se i vjen keq që nuk ka shumë kohë të qëndrojë me familjen, por ai është i bindur se të afërmit mund ta mirëkuptojnë sepse jeta e tij nuk mund të ndahet nga filmi. (Fani)