dëgjoni

Më 12 maj, në orën 14.28, në distriktin Wenchuan të provincës Sichuan të pjesës jugperëndimore të Kinës ra një tërmet i fuqishëm 7.8 ballësh. Në zonat e prekura nga fatkeqësia ky tërmet shkaktoi një numër të madh të vdekurish e të plagosurish dhe dëme të rënda në infrastrukturë. Lidhur me këtë fatkeqësi të madhe natyrore, qarqet e ndryshme shoqërore të Kinës dhanë ndihmë. Qarqet artistike të Kinës kanë zhvilluar aktivisht veprime për të inkurajuar me këngë njerëzit të fitojnë mbi fatkeqësinë. Në programin e sotëm do t'ju japim disa këngë, të cilat shpresojmë se do të sjellin ngrohtësi dhe forcë për vëllezërit e motrat në zonat e prekura nga fatkeqësia.

Kënga që po dëgjoni, mban titullin "Shkojmë në të njëjtën rrugë në erë e shi" dhe këndohet nga këngëtari tajvanez Guang Liang. Këndimi i Guang Liang-ut është i sinqertë, në këngë thuhet se çfarëdo vështirësie që të ndeshim, do të kemi miqtë gjithmonë pranë.

Sichuan-i është një provincë e bukur në pjesën jugperëndimore të Kinës, por e gjithë bukuria e tij u dëmtua nga tërmeti i 12 majit. Në këtë tërmet, më i fuqishmi gjatë 32 vjetëve të fundit, mbi 10 mijë banorë në Sichuan humbëm jetën dhe shumë të tjerë humbën shtëpitë. Shumë njerëz po kërkojnë të afërmit e humbur gjatë tërmet dhe ndiejnë dhembje për ta.

Po japim tani këngën "Largimi me qeshje", që këndohet nga Tangguoqiang, për vëllezërit e motrat në zonat e prekura nga fatkeqësia. Shpresojmë se me inkurajimin e këngës, ata do të pushojnë lotët dhe do të rifillojnë jetën e zakonshme.

Lidhur me fatkeqësinë e pritur, kur një krahinë ndodhet në vështirësi, krahinat e tjera i vijnë në ndihmë. Njerëzit mbledhin forcat për të luftuar fatkeqësinë dhe për të kaluar çastet e vështira. Pasi ra kjo fatkeqësi, shumë persona dhanë para duke treguar zemërmirësinë dhe dëshirën për të ndihmuar. Njerëzit zhvilluan veprime të ndryshme për të treguar vëmendjen e tyre dhe për të dhënë urimet më të sinqerta e ndihmën më të shpejtë.

Kënga që po dëgjoni, e kënduar nga Chen Hui, titullohet "Marr frymë së bashku me ty". Kjo këngë përshkruan dashurinë e të afërmve pas fatkeqësisë. Në këngë thuhet: "Jashtë shtëpisë, ajrit të lirë, unë dhe ti marrim frymë së bashku. Kujtimet e dhembjes era dhe shiu do t'i çojnë larg."

Pasi ra tërmeti, kryetari i shtetit i Kinës Hu Jintao u kërkoi menjëherë sektorëve të ndryshëm përkatës të shpëtojnë të plagosurit për të garantuar sigurinë e jetës së popullit në zonat e prekura nga fatkeqësia. Kina krijoi shtabin e posaçëm për punët e shpëtimit, dhe kryeministri Wen Jiabao u bë drejtori i përgjithshëm i kësaj shtatmadhori që shkoi menjëherë në zonat e prekura nga fatkeqësi për të drejtuar punët e shpëtimit. Tani, afro 20 mjië oficerë dhe ushtarë të Ushtrisë Popullore Çlirimtare dhe të Policisë së Armatosur Kineze kanë arritur në zonat e prekura nga fatkeqësia të zhvillonin shpëtim. Të gjitha u solin njerëzve besimin dhe forcat e fitores në fatkeqësi. Nëpërmjet të gjitha këtyre, bota ka parë unitetin e popullit kinez.

U sjellim oficerëve dhe ushtarëve që luftojnë në vijën e parë këngën e mëposhtme "Luftojmë për ty". Ata fituan në luftën e tyre kundër fatkeqësisë natyrore që ndodhi në Kinën jugore në fillimin e këtij viti. Këtë herë, ata filluan menjëherë punët e shpëtimit nga pasojat e tërmetit. Jemi të bindur se ata do të fitojnë përsëri.

Para mbi 30 vjetëve, ra tërmeti në qytetin Tangshan të provincës Hebei, që ka lënë gjurmë në kujtesën e njerëzve. Por nga gërmadhat, tani është krijuar një qytet modern Tangshan. Njerëzit kanë arsye të besojnë se edhe në tërmetin e tanishëm, me ndihmën e madhe nga qarqet e ndryshme, populli i zonave të prekura nga fatkeqësia mund të kalojnë vështirësitë dhe të rindërtojnë shtëpitë e tyre.

Në fund të programit, do t'ju japim këngën "Burimi i dashurisë", duke shpresuar se banorët e prekur nga fatkeqësia, në melodinë e ngrohtë, do të ndiejnë dashurinë e krahinave të ndryshme për ta. Në këngë thuhet: "Ne nuk harrojmë kurrë, në ato ditë e net, çfarë jap ngushëllim për jetë. Duart marrin shpresën e përbashkët. Ngjyra më e ngrohtë do të shkrijë akujt."  (Çang Çuo)