dëgjoni

Vitet e fundit, kursimi i energjisë dhe pakësimi i shkarkimit të ndotjeve është bërë tema kryesore e ndërmarrjeve të ndryshme industriale të botës. Zona e shkencave dhe teknologjive "Zhongguancun" e Pekinit është zona më e madhe industriale e shkencave dhe teknologjive të përparuara e Kinës. Ajo quhet "Lugina e silikonit e Kinës".

Zona e shkencave dhe teknologjive "Zhongguancu" e Pekinit u krijua në vitin 1988. Në të janë vendosur 1800 ndërmarrje kineze dhe të huaja të shkencave dhe teknologjive të përparuara dhe ka një mjedis të mirë e infrastrukturë të përmirësuar. Drejtori i komitetit të administrimit të kësaj zone, z. Dai Wei tha se vitet e fundit, ata kanë bërë sistemimin e mjedisit të kësaj zone, duke ndërtuar një sërë infrastrukturash të kursimit të energjisë dhe të pakësimit të shkarkimit të ndotjeve. Ai tha gjithashtu:

"Në kursimin e energjisë dhe ujit, ne kemi përdorur aktivisht energjinë e ripërtëritshme dhe teknologjinë e kursimit të energjisë. Në mbrojtjen e mjedisit ekologjik, ne kemi mbrojtur shumëllojshmërinë e bimëve dhe kemi ngritur përqindjen e pyllëzimit brenda zonës."

Në zonën e shkencave dhe teknologjive "Zhongguancun" janë krijuar një sërë ndërmarrjesh të shkencave dhe teknologjive të përparuara në fushën e kursimit të energjisë dhe të mbrojtjes së mjedisit.

Sipas njoftimeve, në këtë zonë edhe shumë ndërmarrje të tjera punojnë për kursimin e energjisë dhe mbrojtjen e mjedisit. Deri në vitin 2007, numri i ndërmarrjeve të kësaj zone që marrin pjesë në kursimin e energjisë dhe mbrojtjen e mjedisit, si dhe krijimin teknologjik arriti në 200. Vëllimi i prodhimit të tyre arriti në 80 miliardë juanë, duke zënë një të dhjetat e vëllimit të prodhimit të përgjithshëm të kësaj zone. Drejtori i komitetit të administrimit të zonës së shkencave dhe teknologjive të përparuara "Zhongguancun", z. Dai Wei tha se në këtë zonë kanë laboratorë eksperimentalë të nivelit ndërkombëtar dhe qendrash studimore për kursimin e energjisë dhe mbrojtjen e mjedisit. Një sërë teknologjish të përparuara brenda dhe jashtë vendit në fushën e kursimit të energjisë dhe të mbrojtjes së mjedisit kanë lindur në këtë zonë. Kështu, zona e shkencave dhe teknologjive "Zhongguancun" e konsideron ndërtimin e zonës ekologjike si detyrën kryesore të zhvillimit të ardhshëm të saj. ( ----- )

"Vitet e fundit, 'Zhongguancuni' ka ruajtur një prirje të zhvillimit të shpejtë në fushën e mbrojtjes së mjedisit. Ndërmarrjet e kësaj zone janë zhvilluar shumë shpejt dhe efektiviteti i tyre është shumë i dukshëm. Ne do të zhvillojmë me të gjitha forcat krijimin e teknologjive të mbrojtjes së mjedisit, aplikimin e integrimit të teknologjisë etj."

Zoti Dai Wei tha se brenda 10 vjetëve të ardhshëm, zona e shkencave dhe teknologjive "Zhongguancun" do të marrë masa të favorshme për përkrahjen me fonde për të mbështetur zhvillimin e ndërmarrjeve të kësaj zone në fushën e kursimit të energjisë dhe të mbrojtjes së mjedisit. Tani kjo zonë ka filluar të hartojë planin e zhvillimit për kursimit të energjisë dhe të mbrojtjes së mjedisit dhe ka marrë masat përkatëse në kursimin e energjisë e mbrojtjen e mjedisit në trajtimin e ndotjeve etj. Përveç këtyre, kjo zonë vendosi të ndërtojë një sërë veprash eksperimentale me teknologji të përparuara dhe me efektivitet të dukshëm në kursimin e energjisë dhe mbrojtjen e mjedisit për të nxitur zhvillimin e ndërmarrjeve të kursimit të energjisë dhe të mbrojtjes së mjedisit të kësaj zone.

Zona e shkencave dhe teknologjive Zhongguancun ka marrë masat e favorshme për përkrahjen me fondeve për objektet e kursimit të energjisë dhe të mbrojtjes së mjedisit. Zv/drejtori i komitetit të administrimit të zonës së shkencave dhe teknologjive "Zhongguancun", z. Li Shizhu tha: ( ------- )

"Fondet e përkrahjes duhet të përdoren për të blerë në radhë të parë produktet e prodhuara nga ndërmarrjet e kësaj zone. Vëllimi i përkrahjes i çdo objekti nuk mund të kalojë 40% të investimeve të përgjithshme."

Drejtori i komitetit të administrimit të kësaj zone Dai Wei tha se industria e kursimit të energjisë dhe e mbrojtjes së mjedisit është një industri e zhvillimit. Me përkrahjen e politikës dhe vëmendjen e shoqërisë, kjo industri ka ruajtur një prirje të vrullshme zhvillimi dhe do të ketë një perspektivë të ndritur.

Të dashur dëgjues, ndoqët korrespondencën me titull: "Zona më e madhe e shkencave dhe teknologjive të përparuara e Kinës do të zhvillojë me të gjitha forcat industrinë e kursimit të energjisë dhe të mbrojtjes së mjedisit". (Sihai)